६९ औं प्रहरी दिवसको अवसरमा जिल्ला प्रहरी कार्यालय पर्सामा अमर शहिद प्रहरी परिवारजनलाई सम्मान

( रवि बर्णवाल)                                                                 ६९ औं प्रहरी दिवसको अवसरमा जिल्ला प्रहरी कार्यालय पर्सामा अमर शहिद प्रहरी परिवारजनलाई सम्मान

६९ औं प्रहरी दिवसको उपलक्ष्यमा जिल्ला प्रहरी कार्यालय पर्साले एक विशेष सम्मान कार्यक्रम आयोजना गरेको छ। यस कार्यक्रममा कार्यालय प्रमुख प्रहरी उपरीक्षक कुमोध ढुंगेलको प्रमुख आतिथ्यमा अमर प्रहरी स्मारकमा श्रद्धाञ्जली अर्पण गरिएको हो।

कार्यक्रममा उपस्थित पूर्व प्रहरी कर्मचारीहरू, अमर शहिद प्रहरी परिवारजनहरू, सि.प्र.अ./जु.प्र.अ. लगायत कार्यालय तथा मातहत कार्यालयका प्रहरी कर्मचारीहरू र सञ्चारकर्मीहरूले पुष्पहार अर्पण गरी अमर शहिदप्रति श्रद्धाञ्जली व्यक्त गरे।

अमर शहिद प्रहरी परिवारजनहरूलाई दोसल्ला ओढाइ सम्मानसमेत गरिएको कार्यक्रममा प्रमुख अतिथि ढुंगेलले शहिदहरूको योगदानको स्मरण गर्दै राष्ट्रका लागि प्रहरी सेवाको महत्त्वपूर्ण भूमिका रहेको बताए।