नदीबाट गाँजा तस्करी

(नेपाल क्राईम)

उदयपुरको बेलका नगरपालिका–८ स्थित सप्तकोसी नदी किनारमा बेवारिसे अवस्थामा रहेको १ सय ८० किलोग्राम गाँजा प्रहरीले बरामद गरेको छ ।

गएराति विशेष सूचनाको आधारमा उदयपुरको इलाका प्रहरी कार्यालय रामपुरठोक्सिला र अस्थायी प्रहरी पोस्ट कोठुबाट खटिएको प्रहरी टोलीले दुई वटा ट्युबमाथि नदी किनारमा पानीमा तैरिरहेको अवस्थामा ६ वटा प्लास्टिकको बोरामा गाँजा बरामद गरेको हो । उक्त गाँजा इलाका प्रहरी कार्यालय रामपुर ठोक्सिलामा राखिएको छ भने ओसारपसारमा संलग्न व्यक्तिहरूको खोजी भइरहेको छ ।