पहिरोले कार बगाउँदा चार जना घाइते

(नेपाल क्राईम)                                                                नौबिसे–मुग्लिन सडकखण्डको चिरौँदी खोलानजिक पहिरोले कार बगाउँदा चार जना घाइते भएका छन्। गजुरीबाट काठमाडौं आउँदै गरेको बा २ च ७८८५ नम्बरको कारलाई सडकमाथिबाट आएको पहिरोले बगाउँदा उक्त कारमा सवार चार जना घाइते भएका हुन् ।  घाइते हुनेमा काठमाडौँ चन्द्रागिरी नगरपालिका– १२ बस्ने ६५ वर्षका धर्म महर्जन, सोही स्थानका ४५ वर्षका देवकृष्ण श्रेष्ठ, ५८ वर्षका करण प्रकाश शाही र कार चालक कास्कीको पोखरा महानगरपालिकाका ४० वर्षका विष्णु श्रेष्ठ रहेका छन् ।