आज रातिदेखि आइतबारसम्म देशैभर ठूलो पानी पर्ने सम्भावना

(नेपाल क्राईम)

राष्ट्रिय विपद् जोखिम न्यूनीकरण तथा व्यवस्थापन प्राधिकरणले बिहीबार राति (आज) देखि आइतबारसम्म (असोज १०–१३ गतेसम्म) देशैभर ठूलो पानी पर्ने सम्भावना रहेकोले आवश्यक सतर्कता अपनाउन अनुरोध गरेको छ ।

“असोज १० गते बिहीबारदेखि १३ गते आइतबारसम्म ठूलो पानी पर्ने सम्भावना छ । विशेषगरी कोसी, वाग्मती, गण्डकी र लुम्बिनी प्रदेशका सबै जिल्ला र मधेस, कर्णाली र सुदूरपश्चिम प्रदेशका केही जिल्लाहरू बढी प्रभावित हुन सक्छन् ।त्यसैले सतर्कता अपनाउनु हुन अनुरोध छ,” प्राधिकरणले भनेको छ ।