लिथुआनिया पठाइदिने भनेर ठगी गरेको आरोपमा एक जना पक्राउ

(नेपाल क्राईम)                                                               वैदेशिक रोजगारीका लागि लिथुआनिया पठाइदिने भनेर ठगी गरेको आरोपमा प्रहरीले एक जनालाई पक्राउ गरेको छ ।बेरोजगार युवायुवतीहरूलाई आकर्षक तलबको प्रलोभनमा पारी लिथुआनिया लैजाने भन्दै लामो समयसम्म झुक्यानमा राखेपश्चात विदेश नपठाई सम्पर्कविहीन भएका उनलाई काठमाडौं उपत्यका अपराध अनुसन्धान कार्यालयको प्रहरी टोलीले पक्राउ गरेको छ ।पक्राउ पर्नेमा काठमाडौंको नागार्जुन नगरपालिका-८ का ३६ वर्षीय समय गौतम रहेका छन् । उनले तीन जना व्यक्तिबाट ११ लाख रूपैयाँ ठगी गरेको प्रहरीले जनाएको छ ।