गड्डाचौकीबाट ५ लाख भारतीय रुपैयाँसहित एक जना पक्राउ

(नेपाल क्राईम)

सशस्त्र प्रहरीले कञ्चनपुरको भीमदत्त नगरपालिका–१० गड्डाचौकीबाट श्रोत नखुलेको ५ लाख भारतीय रुपैयाँसहित एक व्यक्तिलाई पक्राउ गरेको छ। पक्राउ परेका व्यक्ति भीमदत्त नगरपालिका–६ ऐठपुरका २८ वर्षीय नवराज जैशी हुन्।

सशस्त्र प्रहरीका अनुसार पुस १३ गते साँझ भारतबाट नेपालतर्फ आउँदै गरेका जैशीलाई चेकजाँचका क्रममा नियन्त्रणमा लिइएको हो। उनलाई चेकजाँच गर्दा ५ लाख भारतीय रुपैयाँ फेला परेको थियो। पाँच सय दरका १ हजार नोट रहेको रकमको श्रोत खुलाउन नसकेपछि जैशीलाई पक्राउ गरिएको हो।