पूर्वन्यायाधीश वस्तीको निधन

(नेपाल क्राईम)                                                          सर्वोच्च अदालतका पूर्वन्यायाधीश प्रकाश वस्तीको निधन भएको छ । हृदयघातका कारण शुक्रबार राति उनको निधन भएको हो । हृदयघातपछि उनलाई थापाथलीस्थित नर्भिक अस्पताल लगिएको थियो । अस्पतालमा उपचारको क्रममा पूर्वन्यायाधीश वस्तीको निधन भएको खबर आफूले पाएको नेपाल बार एसोसिएसनका अध्यक्ष गोपालकृष्ण घिमिरेले बताए । घिमिरेका अनुसार  पूर्वन्यायाधीश वस्तीको भोलि आइतबार मात्रै अन्त्येष्टि गरिने छ । अमेरिकामा रहेको छोरा फर्केपछि मात्रै अन्त्येष्टि गरिने जानकारी आफूले पाएको उनले बताए ।