कौडा खेल्ने १७ जना पक्राउ

(नेपाल क्राईम)

दाङबाट प्रहरीले कौडा खेल्दै गरेका अवस्थामा १७ जनालाई रकमसहित पक्राउ गरेको छ ।

आइतबार राति घोराही उपमहानगरपालिका वडा नं. १५ अमृत टोलमा ठाकुर खनालले कौडा खेलाइरहेको निवासमा प्रहरीले छापामारेर पक्राउ गरेको विज्ञप्तिमा उल्लेख छ । नेपाली रुपियाँ एक लाख बाउन्न हजार पचपन्न रुपियाँसहित १७ जना व्यक्तिलाई नियन्त्रणमा लिएको सोमबार जारी प्रहरीको विज्ञप्तिमा उल्लेख छ ।