चिर्पट प्रहारबाट बैतडीमा एकजनाको हत्या

(नेपाल क्राईम)

चिर्पट प्रहारबाट बैतडीमा एकजनाको हत्या भएको छ।

मृत्युु हुनेमा जिल्लाको डिलाशैनी गाउँपालिका–२ छेपट्टकी २३ वर्षीया सुनिता बोहरा रहेकी छन्।​ सुनितालाई उनकी  जेठानी  ३० वर्षीया दिपा बोहराले चिर्पटले हिर्काएर हत्या गरेकी हुन्।

घरायसी विवादका कारण दिपाले सुनिताको टाउकोमा चिर्पटले हिर्काएको र उनको घटनास्थलमै मृत्यु भएको बैतडीका प्रहरी प्रवक्ता,प्रहरी निरीक्षक  बलराम पाण्डेयले जानकारी दिए।

घटनाका विषयमा विस्तृत अनुसन्धान भइरहेको र घटनास्थल बुझ्ने कार्य भइरहेको जिल्ला प्रहरी कार्यालय बैतडीका  प्रहरी प्रवक्ता,प्रहरी निरीक्षक  बलराम पाण्डेयले जनाएको छ।