विद्यालयको शौचालय नजिक एक पुरुषको शव फेला

(नेपाल क्राईम)                                                                        धनगढी उपमहानगरपालिका वडा नम्बर ११ घोडसुवा स्थित ठेकराज माध्यमिक विद्यालयको शौचालय नजिक एक पुरुषको शव फेला परेको छ । सोमबार बिहान अन्दाजी ६० वर्षीय पुरुष व्यक्तिको सडिगली गएको अवस्थामा शव फेला परेको प्रहरीले जनाएको छ ।  शवलाई सेती प्रादेशिक अस्पतालको शव गृहमा राखिएको भन्दै आफन्तलाई सनाखतका लागि आउन आग्रह गरिएको जिल्ला प्रहरी कार्यालय कैलालीका प्रहरी नायव उपरीक्षक कवीन्द्र सिंह बोहोराले जानकारी दिए ।