लागु औषधसहित ४ जना पक्राउ

(नेपाल क्राईम)

प्रहरीले पोखराबाट लागु औषध कारोबार गरिरहेका ४ जनालाई पक्राउ गरेको छ । पोखरा २ बागलुङ बसपार्कबाट उनीहरूलाई पक्राउ गरीएको प्रहरीले जानकारी दिएको छ ।

लागु औषधको कारोबार भइरहेको गोप्य सूचना पाएपछि प्रहरीले खानतलासी गर्दा सूचना पुष्टि भएको प्रहरीले जानकारी दिएको छ । पक्राउ पर्नेमा पोखरा २ बस्ने २० वर्षका कृष्ण श्रेष्ठ, म्याग्दी घर भई पोखरा ३ नदीपुर बस्ने २५ वर्षका प्रदीप पुन, पोखरा ४ फिर्केपुलका १९ वर्षीय रोहित नेपाली र सोही ठाउँका १९ वर्षीय सुमित परियार छन् ।