पर्सा प्रहरीले ठुलो परिमाणमा भन्सार छलीका बदाम बरामद

(  रवि बर्णवाल   )

पर्सा प्रहरीले ठुलो परिमाणमा भन्सार छलीका बदाम बरामद गरेको छ ।

प्रहरीले विशेष सूचनाको आधारमा भन्सार छली ल्याउँदै गरेको मालवाहक ट्रकसहित हाडे बदाम (अल्मन्डस) बरामद गरेको जनाएको छ ।

प्रहरीको विशेष टोलीले वीरगन्जबाट काठमाडौँतर्फ जाँदै गरेको मालवाहक ट्रकबाट  ६६ लाख २४ हजार ३४ रुपैयाँ बराबरको हाडे बदाम बरामद गरेको पर्सा प्रहरी प्रवक्ता दीपक भारतीले बताए ।बरामद बदामसहितको ट्रक थप कारबाहीका लागि पथलैया राजश्व कार्यालय पठाइएको  प्रहरीले जानकारी दिएको छ ।