१७१ रनको विशाल लक्ष्य नेपालले दियो

(नेपाल क्राईम)                                                              टी–२० श्रृंखलाअन्तर्गत आइतवार जारी दोस्रो खेलमा नेपालले अमेरिकालाई १७१ रनको विशाल लक्ष्य दिएको छ ।अमेरिकाको डालसस्थित ग्रान्ड प्रेरी स्टेडियममा बिहान ५ः४५ बजेदेखि जारी खेलमा नेपालले निर्धारित २० ओभरमा ६ विकेट गुमाएर १७० रन बनाएको हो ।नेपालका लागि कुशल भुर्तेलले विष्फोटक ब्याटिङ गर्दै ३३ बलमा अर्धशतक बनाए । उनी शतक बनाउनबाट ८ रनले टाढा रहे । भुर्तेलले ५४ बलमा अविजित ९२ रन बनाएका हुन् ।यस्तै ओपनर अनिल साहले २५, गुल्शन झाले १९ र कप्तान रोहित पौडेलले १८ रन जोडे ।नेपालले अमेरिकाविरुद्धको टी–२० आई श्रृंखलाअन्तर्गत दोस्रो खेल खेलिरहेको छ ।