बाँकेको कोहलपुरमा घाँटी रेटेर युवकको हत्या, टाउको बोकेर हत्यारा फरार

(नेपाल क्राईम)

दसैँको दिन एक जनाको घाँटी रेटेर हत्या भएको छ ।

शनिबार राति कोहलपुर नगरपालिका– ८ पिपिरीमा एक पुरुषको घाँटी रेटेर हत्या भएको हो । पिपिरी चोकदेखि करिब दुई किलोमिटर पूर्व शितल नगरमा शनिबार राति हत्या गरिएको अवस्थामा एक जनाको शव फेला परेको थियो । टाउको नभएको अवस्थामा फेला परेको शवको सनाखत भइसकेको जिल्ला प्रहरी कार्यालय बाँकेले जनाएको छ ।

बाँके प्रहरीका अनुसार टाउको बिनाको शव स्थानीय करिब ३५/४० वर्षीय चन्द्रबहादुर कामीको रहेको सनाखत भएको हो । शनिबार राति करिब साढे १२ बजेको समयमा स्थानीयले शव देखेपछि प्रहरीलाई खबर गरेका थिए । लगत्तै इलाका प्रहरी कार्यालय कोहलपुर र नजिकैका प्रहरीका चौकीबाट प्रहरी परिचालन गरिएको जिल्ला प्रहरी कार्यालय बाँकेले जनाएको छ ।