भूकम्पका कारण सिन्धुपाल्चोकको फुल्पिङकट्टी स्थित प्रहरी चौकीमा क्षति

(नेपाल क्राईम)

आज बिहान गएको भूकम्पका कारण सिन्धुपाल्चोकको फुल्पिङकट्टी स्थित प्रहरी चौकीमा क्षति भएको छ । भोटेकोशी–४ स्थित प्रहरी चौकीको भवन सामान्य चर्किएको सिन्धुपाल्चोकका एसपी सन्तोष खड्काले बताए ।

आज (मंगलबार) बिहान ६ बजेर ५० मिनेट जाँदा चीनको तिब्बत केन्द्रबिन्दु भएर ७ म्याग्निच्युडको भूकम्प गएको थियो । सिगात्सेबाट ३५ किलोमिटर टाढा दिङ्गे क्षेत्रमा भूकम्प गएको हो । उक्त धक्का नेपाल र भारतमा समेत महसुस भएको थियो ।देशभरको क्षतिको विवरण प्रहरी र स्थानीय निकायहरूले सङ्कलन गरिरहेका छन् ।