सुनसहित एक जना पक्राउ

( रवि बर्णवाल)  वीरगन्ज                                                वीरगन्जबाट एक युवालाई सुनको चोरी पैठारी गरेको आरोपमा पक्राउ गरेको छ । वीरगन्ज–१५ भेडीयाही निवासी २८ वर्षीय जयप्रकाशकुमार सोनारलाई बुधबार वीरगन्ज–८ लिंक रोडस्थित सानिमा बैंक अगाडिबाट पक्राउ गरेको हो । उनको साथबाट प्रहरीले १ सय ७ ग्राम ८९ मिलिग्राम सुन फेला परेको जनाएको छ ।

सुनको तस्करी भइरहेको सूचनाको आधारमा जिल्ला प्रहरी कार्यालयबाट खटिएको टोलीले मंगलबार दिउँसो ३ बजेर ४० मिनेटमा सोनारलाई पक्राउ गरेको हो ।