भरुवा बन्दुकहरूसहित एकजना पक्राउ

(नेपाल क्राईम)

दाङको देउखुरीमा वडा प्रहरी कार्यालय लमहीले भरुवा बन्दुकहरूसहित एकजना मानिसलाई पक्राउ गरेको छ ।

बिहीबार बिहान साढे ६ बजे लमही नगरपालिका वडा नं.३ बनगाँउको हरियालीटोलमा वर्ष ४० का गणेशकुमार कुमाललाई बन्दुकसहित पक्राउ गरिएको विज्ञप्तिमा उल्लेख छ ।

कुमालले आफ्नै घरमा अवैध हातहतियार तथा खरखजनाहरू लुकाईछिपाई राखेको विशेष सूचनाको आधारमा वडा प्रहरी कार्यालय लमहीले छापामारेको थियो ।

प्रहरी निरीक्षक प्रकाश भुसालको कमाण्डमा प्रहरी टोली खटिएको थियो ।

प्रहरी निरीक्षक प्रकाश भुसालको कमाण्डमा प्रहरी टोली खटिएको थियो । कुमालको घरकोठाको खानतलासी गर्दा लुकाई छिपाई राखेको अवस्थामा हातहतियार फेला पारेको थियो ।

चालु अवस्थामा रहेको खाली बट, सिलिङ सहितको भरुवा बन्दुक थान–१, चालु अवस्थामा रहेको खाली फक्स लेखेको सिलिङसहितको भरुवा बन्दुक नाल थान–१, बेचालु अवस्थाको भरुवा बन्दुकको काठको बट थान–१, बेचालु अवस्थाको भरुवा बन्दुक नाल थान–१, फलामको भरुवा बन्दुकको नाल बनाउन प्रयोग हुने फलामको पाईप थान–१ बरामद भएको छ ।